22. júní 2012

Heklaðir blómapottar ofl

Mér finnst alveg svakalega gaman að geta endurnýtt hluti... s.s. eins og að hekla utan um krukkur. Ég ákvað að hekla poka utan um risa sjampó- og hárnæringarbrúsa til að hengja upp í útisturtunni og þá kviknaði hugmynd...

Heklaðir pokar utan um sjampóbrúsa

... ég var búin nefnilega að þræða blómabúðirnar að leita að blómapottum til að hengja utan á skjólvegginn hjá mér en hafði ekki fundið neitt nema að ég sá eina bastkörfu sem kostaði 7 þúsund kall og ég hefði þurft nokkrar... þess vegna er ég alsæl með þessa brilljant hugmynd mína en ég ákvað að hekla utan um skyrdósir.... slæ margar flugur í einu höggi... spara pening, næ að endurnýta hluti og skreyti í leiðinni fyrir Sumar á Selfossi sem verður í ágúst :)

Heklað utan um skyrdósir


Svo sætir og ódýrir blómapottar :)

Ég ákvað að hafa heklið mjög einfalt og fljótlegt því að ég ætla að hengja amk 10 svona blómapotta á skjólveginn hjá mér... þannig að ég þarf að borða mikið skyr á næstunni ;) Ég spreyja dósirnar hvítar því að heklið er svo gisið og hengi þá upp á króka :) Takið líka eftir flotta húsnúmerinu sem ég föndraði eitt sinn ;)
Garn: Mandarin petit
Heklunál: 3,5 mm

11. júní 2012

Fyrsta graffið

Ég rakst á netinu á að það var International Yarn Bombing Day á laugardaginn. Í tilefni dagsins ákvað ég að prófa í fyrsta sinn að graffa... fyrsta fórnarlambið var nú bara snúrustaurinn... ljósastaurinn var svo svakalega sver ;)

Heklað graff

Graffaði á snúrustaurinn

Annar smekkur handa frænda

Systir mín var svo svakalega ánægð með röndótta smekkinn að hún pantaði fleiri... dreif mig því strax í að gera annan handa frænda :) Er svolítið skotinn í þessari litasamsetningu :)

Heklaður smekkur

Garn: Sandnes Garn Mandarin Petit
Heklunál: 3,0 mm.
Uppskrift: engin