23. mars 2013

Yndislegt garn frá Knit Picks

Ég er sjalaóð... og núna finnst mér ekkert fallegra en lace sjöl... eftir að ég heklaði Miðnætursumarsjalið mitt :) Garnið í því var samt tæpt enda hef ég þurft að laga það tvisvar :/ En ég er búin að birgja mig upp af garni en maðurinn minn var að koma frá Ameríku og ég pantaði garn og lét senda það á hótelið sem hann gisti á (finnst ég vera rosalega sniðug) ;)

Hér er svo mynd af þessari dásemd:

Yndislegt garn frá Knit Picks

Ég hefði auðveldlega getað fyllt töskuna hans en ég varð bara að velja mína uppáhaldsliti... þetta eru þrjár tegundir og tveir litir úr hverri tegund en í sumum tegundum var ekkert rosalega mikið úrval... hefði t.d. alveg viljað meira af bleikum því að það er minn litur ;) Þetta er garn í sjö sjöl... en mamma pantaði bleikt sjal og þess vegna er tvöfaldur skammtur af bleika garninu ;)

Svo er bara spurning hvenær ég hef tíma til að hekla úr þessu... en það verður amk ekki fyrr en eftir próf! Þó að það sé freistandi að byrja að hekla núna um páskana ;) En þangað til get ég klappað því (eða eftir tvo daga þegar það kemur úr frystinum... vil vera viss um að það komi engir ferðafélagar með hehehe) og spáð í hverju þeirra ég eigi að byrja á :)

Ef þið eruð að spá í hvaða týpur og litir þetta eru þá er þetta það sem ég keypti:

Gloss Lace - litir: Lilac & Marina (lengst til hægri á myndinni)
http://www.knitpicks.com/yarns/Gloss_Lace_Yarn__D5420172.html

Shadow Tonal - litir: Springtime & Summer Blooms (fyrir miðju á myndinni)
http://www.knitpicks.com/yarns/Shadow_Tonal_Lace_Yarn__D5420166.html

Shimmer - litir: Elderberry & Shallows  (lengst til vinstri á myndinni)
http://www.knitpicks.com/yarns/Shimmer_Hand_Dyed_Lace_Yarn__D5420112.html

4 comments:

Unknown sagði...

sæl langar að spyrja þig, stóðst garnið væntingar? Er það mjúkt?
Ég er nefnilega oft að skoða garnið frá Knit Picks en hef ekki þorað að kaupa það þar sem ekki er hægt að " káfa " á því.
kveðja
Rannveig

Ólöf Lilja sagði...

Sæl Rannveig


Ég var mjög sátt...Shimmer var mýkst enda baby alpaca og silki ;)

Unknown sagði...

hvað fóru margar hespur í skjal? Hvað keyptir þú margar hespur í hverjum lit?

Ólöf Lilja Eyþórsdóttir sagði...

Eins og sjá má á myndinni þá keypti ég þrjár af öllum litunum nema bleika ;)

Ég er bara búin með tvö sjöl og fór með þrjár í hvort :)

Skrifa ummæli